السعاااااااااادة

يا ناس
السعادة فعلا حاجة مش مفهومة ومش وممسوكة ..
ده اكتشافى العبقرى !!
فجأة ..بقول لروحى إن أنا من أكتر خمسة محظوظين شفتهم فى حياتى
فجأة تحس إن حبيابك كتير ..وإنهم محوشنلك كتير
فجأة بتتأكد إن ربنا جنبك طول الوقت ..فى صفك طول الوقت ..حتى لما بيملص ودانك ..فده عشان عايزك وبيحبك ..
فجأة بتحس إن الحدوتة مكتوبة لصالحك ..حتى لو مسارها بيوجعك ..
فجاة ما بتبقاش كومبارس ..بتبقى بطل ملو هدومه ..وجماهيرك قاطعين المشاوير والتذاكر عشان طلة من سعادتك ..
فجأة غناك بيبقاله معنى ..
ممكن تقول لحد ..راهن عليا ..عشان أنا مش ناوى أخسر ..
ممكن أغازل روحى ساعة كاملة ..لغايت ماوشها يحمر من الكسوف ..