معقولة دا انتى غريبة

ياااااااه ....."

" معقولة ... مش ممكن "

" يابنتى انتى ازاى عايشة كده "

" ده انتى غريبة قوى "

ديه كانت بعض التعليقات و غيرها الكثير من اللى بدأت اسمعها كتير اليومين دول

من اصحابى و زمايلى كل ما نكلم فى اى موضوع و لازم نيجى فى نقطة معينه فيه

و يقولوا نفس التعليقات ديه حتى و لو كانت المواضيع مالهاش اى علاقة ببعضها

لغاية ما حسيت انى جاية من المريخ و من ضمن الحاجات ديه لما قلتلهم ان :


عمرى ماشفت افلام اللى بالى بالك , بوحة , عوكل .... و غيرها من الافلام العربى

من وجه نظرى لانها ماتستاهلش- ومن وجهه نظرى برضه- الوقت او الفلوس اللى

بيدفعوا فيها وعندى انى ادخل فيلم اجنبى احسن


عمرى ما دخلت محل موبايلات عشان احط رنه


معرفتى بالمغنيين الشباب ( اللى طلعوا السنتين اللى فاتوا ) لا تتعدى 5 % و انى

كتير بميل للاغانى القديمة وفيروز اكتر حاجة


انى بقرف من تامر حسنى وبحس انو جربان ولما بتفرج علية جسمى بيقشعر


عمرى ما قعدت فى نت كافيه برا البيت مع اصحابى ولا دخلت سنترال يمكن عشان

اخويا فهمنى ان البنات اللى بيرحوا بيتبص ليهم على انهم مش كويسين


عمرى ما اهتميت باكسسوارات الموبايلات و لا بانواعها , لان اهم شىء فى

التليفون بالنسبة لى هو انى لما اقول الو , اسمع الطرف التانى بيقول الو .


معرفش اشترى تى شرت احمر او الالوان العجيبة اللى بتطلع


ممكن اخاصم حد وارجع اصالحو عشان مش بحب ازعل حد منى او انام وحد زعلان

منى ودا خلى ناس كتير واولهم اصحابى بيعتبرونى عبيطة


ممكن افرح من اقل حاجة زى الاطفال حتة تلجة تفرحنى


ممكن لو زعلانة بدخل حجرتى بحس فيها بالامان بحس انو العالم بتاعى مفيهوش

كدب وغش عالم برئ كلوا طيبة وحب


بحب المطره اوى واجمل احساس اكل ايس كريم والدنيا بتمطر


عمرى ما حبيت حسنى مبارك ('')
!

بحب حبيبى اوى لدرجة الجنون ودا مزعل اصحابى منى لازم اجيب سيرتو وانا

معاهم عشان قلت لهم وانا معاه بحس بالامان والراحة اكتر من وانا معاكم وكلامى

زعل داليا بالذات


بتخنق اوى لما بشوف راجل عجوز او ست بيشحتوا وانا مش عارفة اعمل لهم حاجة

عشان مفيش فى ايدى حاجة يارتنى رئيس الجمهورية


بحب عمتى اوى وبحس بالامان اوى وانا معاها

و عشان انا عنيده حبتين , لسه مقتنعة ان الدنيا ماشية غلط و ان انا اللى صح , و يا

اما هى تتغير او انا اتغير او يبقى الحال على ما هو عليه